A Seriyasında 2-ci Ronaldo – “Yuventus”sayağı təqdimat
“Sampdoriya” heyətini yeni futbolçu ilə gücləndirib.
Klubun rəsmi saytına istinadən yaydığı xəbərə görə, Genuya təmsilçisi “Lids Yunayted”in müdafiəçisi Ronaldo Vieyranı transfer edib. İtalyanlar bu keçid üçün qarşı tərəfə 6,5 milyon avro ödəyiblər.
Ancaq burada maraqlı məqam qvineyalı futbolçunun transferi deyil, “Sampdoriya”nın təqdimatıdır. Klubun rəsmi “Twitter” səhifəsi yeni oyunçunu ictimaiyyətə bir müddət öncə Kriştiano Ronaldonu heyətinə qatan “Yuventus” kimi təqdim edib. Şəkilin altında isə “Biz Ronaldonu transfer etdik” yazıb.
Məlumat Saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.
