Kənan Heydərov Texnologiya 22-01-2019, 20:22

Samsung Galaxy A50 smartfonu barəsində ilk məlumatlar ortaya çıxdı

Hindistanın 91mobiles saytı hələ təqdim edilməmiş Samsung Galaxy A50 smartfon modeli barəsində ilkin məlumatları verib. Beləliklə məlumata əsasən smartfon 6 düymlük ekran (ekran üzərində V şəkilli çıxıntı hissəli) və üçlü arxa kamera ilə təchiz olunacaq. Çox güman ki, söhbət, 24 MP + 10 MP + 5 MP üçlü arxa kameradan gedir. Əsas texniki göstəricilərə gəldikdə isə Galaxy A50 modeli Exynos 9610 prosessoru, 4 GB RAM, 4000 mAh enerji tutumlu batareya və ekrana inteqrasiya edilmiş barmaq izi skanı texnologiyası ilə təchiz olunacaq. Məlumatlara əsasən Galaxy A50 modeli artıq gələn ay satışa çıxacaq.