BMW i4-ün bəzi xüsusiyyətləri açıqlandı

SUV avtomobil bazarına ciddi bir giriş etməyi planlaşdıran BMW, i4-ün texniki xüsusiyyətləri haqqında məlumat yayımladı.

Belə ki, elektrik enerjisi ilə çalışan avtomobil bazarında söz sahibi olmağı planlaşdıran BMW bu məqsədlə 2025-ci ilə qədər 12 fərqli bu tip avtomobillər istehsal etməyi planlaşdırır. Bununla belə şirkət İsveçin Arjeplog şəhərində sınaq mərkəzində işləyən i4-ün texniki xüsusiyyətlərini açıqlayıb.

Tesla Model 3-lə rəqabət etməsi gözlənilən avtomobilin özəllikləri 4 qapılı və orta seqmentli avtomobil olaraq qiymətləndirilərək "dinamik dizaynı, ilham verici performans və rahatlığı özündə birləşdirir"-deyə qiymətləndirilir. Şirkətin 5-ci nəsl eDrive texnologiyası ilə istehsal edəcəyi avtomobil 600 kilometr mənzil yol ala biləcək.

Elektrik mühərrikləri yalnız 4 saniyədə 0-dan 100 kilometrədək sürət yığacaq və avtomobilin maksimal sürəti 200 kilometrdən artıq olacaq. BMW i4 istehsalı 2021-ci ildə Münihdə BMW zavodunda reallaşacaq.

Qeyd edək ki, BMW-nin qabaqcıl elektrik enerjisi ilə çalışan avtomobili iNext SUV da oxşar bir mənzilə sahib olacaq. BMW-nin öncədən açıqladığı hədəf 700 km-dir. iNext 3-cü səviyyəli avtonom rejim və son bağlantı texnologiyaları ilə təchiz olunacaq. BMW 2021-ci ildə Almaniyanın Dingolfing şəhərində bu avtomobil istehsal edəcək.