Dünyada indiyə qədər toplanan bütün qızıllar əridilsə, tərəfi 21 metr uzunluğunda olan kub alınar. 

LOADİNG.AZ-ın lenta.ru-ya istinadən verdiyi xəbərə görə, bu hesablamalar Ümumdünya Qızıl Şurası tərəfindən aparılıb.

Məlumata əsasən, 2017-ci ilin sonunda dünyada hasil edilən qızılın ümumi çəkisi 190 040 ton təşkil edib. Bura bütün tarixi qızıl sənət əsərləri də daxildir. Hər il bu miqdara 2,5-3 min ton əlavə olunur.

Təşkilatın analitiklərinin fikrincə, bəşər tarixində hasil edilən qızılın üçdə ikisi 1950-ci ildən sonra yerin altından çıxarılıb.

"Yerüstü" qızılların təxminən yarısından (47,7%) zərgərlik məmulatları hazırlanıb.

Mütəxəssislərin fikrincə, qalan yeraltı ehtiyatlar 54 min ton təşkil edir. 

Son illər qızıl hasilatı artsa da, ekspertlər yaxın 8-10 ildə azalacağını proqnozlaşdırırlar.