Mən Səni Sevirəm

Məncə ən qiymətli şey həyatdır
Əzəldən həyata sevgi qanaddır
Nələr eşitdirməmiş sevgi insana

Sən düşün Leylini bax bir Məcnuna
Əhsən belə eşqə deyir nəsillər
Nakam məhəbbəti görməsin illər
İnsan azad sevsin, azad sevilsin

Sevginin qədrini hər gözəl bilsin
Elə sevgi qoysun hər qız, hər oğlan
Vaxtsız pozulmasın bağlanan peyman
İnsan azad sevsin, azad sevilsin
Rahat nəfəs alsın azad nəsillər
Əgər qaranlıqdırsa, sözümün sonu
Misraların baş hərfini oxu!