Diablo İslam Dini 24-10-2020, 14:30

Pambıq paltar geyinin ki… - Məsumların (ə) nəzərində paltar geyinmək ədəbləri

İmam Sadiq (ə) buyurur: “Kətan paltar geyinmək bədəni kökəldər”.

İmam Əli (ə) buyurur: “Pambıq paltar geyinin ki, o, Peyğəmbərin (s) və biz Əhli-Beytin (ə) geyimidir”.

Həzrət Peyğəmbər (s) buyurur: “Ağ paltar geyinin ki, o, ən gözəl və ən pak rəngdir. Ölülərinizi onunla dəfn edin”.

İmam Baqir (ə) buyurur: “Caiz deyildir ki, qadınlar kişilərə bənzəsinlər. Belə ki, Peyğəmbər (s) qadınlara bənzəyən kişiləri lənətləmişdir”.

İmam Sadiq (ə) buyurur: “Tünd qırmızı rəngdə paltar geyinməyin kərahəti vardır, məgər yeni bəylər üçün olsa”.

İmam Sadiq (ə) buyurur: “Nəleyin və ayaqqabı üçün ən yaxşı rəng – sarı rəngdir”.

İmam Əli (ə) buyurur: “Paltarı ayaq üstə geyinmək qəmə bais olar”.

İmam Əli (ə) buyurur: “Paltarı bədəninizdən ayıran zaman “Bismillah” deyin ki, cinlər geyinməsin. Əks halda cinlər həmin paltarı səhərə qədər geyinərlər”.

Həzrət Peyğəmbər (s) buyurur: “Əlican, üzüyü sağ əlinə tax ki, müqərriblərdən olasan”.

Soruşur ki, hansı üzüyü taxım?

Buyurur ki, “Qırmızı əqiqi”.

İmam Sadiq (ə) buyurur: “Elə üzük alın ki, qaşı əqiq olsun. Çünki insan pərişan olmaz və işinin aqibəti yaxşı olar”.

İmam Sadiq (ə) buyurur: “Hər kim əlinə firuzə üzük taxar, əli yoxsul olmaz”. (Beytutə)

Həzrət Peyğəmbər (s) buyurur: “Aləmlərin Allahı buyurur ki, Mən, Mənə tərəf dua üçün uzanan və onda firuzə üzük olan əldən xəcalət çəkirəm ki, onu ümidsiz qaytaram”.