ice berg Müxtəlif 12-02-2021, 16:18

Bir kitabın səhifələrini ağır-ağır oxumaq kimidi həyat

Bir kitabın səhifələrini ağır-ağır oxumaq
kimidi həyat..
Səhifələri çevirdikcə qarşına çıxacaq
cümlələrinsəni hara aparacağını bilməmək kimidi..
Yaşamın kənarında,
anlamanın hakim olduğu bir ruh halıyla oxumaq lazım idi
çox vaxt hekayənin içindəki
qəhrəmanın kim olduğunu unutmaq,
yalnız oxumaq, oxumaq…
Bir başqasının həyatını kəşf etmək kimidi
öz iç dünyanı kəşf etmək bəzən..
Həzzi böyük idi illər içində
Bir başqa gözlə qarşılaşınca səhifələrin birində qorxmamaq əldə deyildi
Bəlkə sənin kimi görə bilmirdi
Bəlkə sən də onun kimi görə bilməyəcəkdin heç bir zaman..
O zamanlarda çevirərkən səhifələri,
sən səssiz olacaqdın bəzən..
Oxuyarkən səsin çıxmayacaq,
susarkən görməyəcəkdin bəlkə də
kitabın kölgə düşmüş səhifələrini..
Yalnız barmaqların gəzişəcəkdi mənanın üstündə
Paylaşdığın yalnız anlamaq olacaqdı səhifələrin içində..
Həyatın bilmirəm neçənci dərsində,
bilmirəm neçənci səhifəsindəyəm..
Hər cür duyğunun xırman olduğu
Xoşbəxtliklərin ağ bir buluda yükləndiyi
Gün olub, yağış olduğu
Gün olub şam qanadında günəşə uçduğu
Ya da,
Hüznün bir sevimlim kimi əlimi tutduğu..