ice berg Şeirlər 14-05-2023, 21:00

Gəldin ömrümə

Mən sən oldum, sən mən oldun,
Ürəyimə axdın, doldun.
Saçlarımda gümüş kimi parıldayan
Ağ dən oldun,
Həyatımın payızında gəldin mənə.
Gözləmişdim, həm bezmişdim,
Bu dünyada həsrət, hicran yanğısından,
Ürəyimdə ürəyini hiss etmişdim,
Ürəyimin fəryadında gəldin mənə.
Həm yar oldun, həm can oldun,
Gözlərindən gözlərimə
İşıq doldu, Şəfəq doğdu.
Ümidimin sabahında gəldin ömrümə.
Uca dağ zirvəsi kimi şəlalə nəğməsi kimi,
Bülbül-gül sevdası kimi,
Bahar nəfəsinlə gəldin mənə.
Sevdim səni, səni sevdim.
Sevdim, mən olduğun üçün.
Canımızda bir ürəyin
Döyünüb vurduğu üçün
Ürəyimin harayında gəldin mənə.
Hisslərimin fəryadında gəldin ömrümə!

İradə Əlili