ice berg Azərbaycan 20-06-2023, 14:30

Yürüyüşçülər üçün ölkəmizdə 5 gözəl məkan

Ekoyürüşlər etməklə təbiətlə iç-içə olacaqsınız, Azərbaycan təbiətini kəşf edəcəksiniz və ən əsası sağlamlığınızı, ruhunuzu qidalandıracaqsınız.

Laza - Kuzun marşrutu: Azərbaycanın ən gözəl marşrutlarından biri. Əgər yürüyüşə yeni başlayırsınızsa, buradan başlamanızı tövsiyə edirik. Marşrutda Şahdağın heyranedici mənzərəsi ilə şəlalə (10 dağ şəlaləsi), kanyon, çay, meşə görəcəksiniz.

Nisəqala kanyonu: Təbii gözəllikləri və nəfəs kəsən mənzərələri ilə tanınan gəzinti marşrutudur. Bu haykinq yolu təbiəti sevən hər kəs üçündür. Gəzinti zamanı gözəl şəkillər çəkdirmək şansınız da olacaq!

Mucuq şəlaləsi: Azərbaycanın ən hündür şəlalələrindən biridir. Mucuq şəlaləsi Qəbələnin Laza kəndi yaxınlığında yerləşir və Dəmiraparan çayına tökülür. Şəlaləyə qalxan zaman ehtiyatlı olmaq məsləhətdir, daşlar çox sürüşkəndir.

Mücü - Lahıc marşrutu: Azərbaycanın daha bir çox gözəl marşrutu. İki fərqli yaşayış yerini birləşdirən marşrutun dəyəri bir az da artır.

Qaranohur gölü: Bura Göygöldən sonra Azərbaycanın ən məşhur gölü demək olar. Son illərdə məşhur olan gölü hər il minlərlər insan ziyarət edir. Qaranohur hər fəsildə bir cür gözəl olur. Məsləhətimiz gölə piyada qalxmağınızdır. Son bir neçə metr çətin olsa da, qalxmağa dəyər.