"2024-cü ildə iPad Pro yüksək göstəricidə daxili yaddaş həcminə malik olacaq"
Apple şirkəti OLED ekranlı ilk iPad Pro planşetini gələn il təqdim edəcək. Verilən məlumata əsasən isə bu cür iPad Pro modeli böyük yaddaş həcminə sahib versiyada da satışa çıxacaq. Hal-hazırda aktual olan iPad Pro modeli mini-LED ekranla təchiz olunub və maksimum 2 TB daxili yaddaş həcmində təklif edilir. Yeni məlumatda isə qeyd edilib ki, gələn il təqdim olunacaq yeni iPad Pro modeli, OLED ekran ilə təchiz olunmaqla yanaşı həmçinin 4 TB daxili yaddaş həcmini də özündə birləşdirəcək. Bu cür böyük həcmli daxili yaddaşa sahib iPad Pro-nun hansı qiymətə satılacağı hələlik məlum deyil. Hazırda aktual olan iPad Pro-nun 2 TB yaddaşa sahib versiyası isə LTE dəstəyinə sahib olub-olmamasından asılı olaraq 1900-2400$-a başa gəlir.
Məlumat Saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.
