Sağ Qalmaq Üçün Səbəblər
Bir gün sevinc mütləq acılara qalib gələcək. Sən sevinc göz yaşlarına qərq olacaqsan, xoşbəxtliyi ovcunda görəcəksən. Əsl dostlar qazanacaqsan, indiyədək yemədiyin dadlı yeməkləri yeyəcəksən. Özünü atmağa hazırlaşdığın uçurumun dibindən deyil, qarşındakı gözəl mənzərəyə yuxarıdan baxacaqsan. Ruhunu zanginləşdirəcək kitabları hələ oxumamısan. Hələ ən böyük qutudan popkorn yeyə-yeyə təzə filmlərə baxmamısan, yorulana qədər rəqs edib, doya-doya sevişməmisən. Gecələr şirin söhbətlər edib, çənən ağrıyana qədər gülməmisən. Həyat səni gözləyir. Bəlkə də, olduğun yerdə donub qalmısan, amma narahat olma, dünya heç yerə qaçmır. Bacardığın qədər möhkəm ol. Bu firlanan dünya üzünü əvvəl-axır sənə sarı da çevirəcək. Gözləməyə dəyər. İnan ki, həyat yaşamağa dəyər.
Məlumat Saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.
