Pendirli bükmə
Tərkibi (10 ədəd):
xəmir:
200 ml süd
1 ç.q. quru maya
1 ç.q. şəkər tozu (şirin istəyirsinizsə, 2-3 qaşıq)
300 q un
2 x.q. qoxusuz bitki yağı
iç:
10 ədəd hamburger üçün ərinmiş pendir
İsti südə maya və şəkər tozunu əlavə edin. Şişəndən sonra yağ və unu əlavə edin. Bərk olmayan xəmir yoğurun.
Xəmir qalxandan sonra 10 yerə bölün.
Hər kündəni 2-3 mm qalınlıqda dördbucaqlı şəkildə yayın. Rahat olsun deyə bitki yağı çəkilmiş taxtanın üstündə yayın. Orta hissəsində bərabər məsafədə paralel kəsiklər qoyun. Pendiri bir başından qoyub, rulet kimi bükün (bərk sıxmayın).
Kənarlarını bərkidin.
Perqament döşənmiş siniyə "tikişi" üzüaşağı olmaqla qoyun. 20-25 dəqiqə saxlayın. Yumurta sarısını azca südlə qarışdırıb üstünə çəkin.
210 dərəcə qızdırılmış sobada 15-20 dəqiqə bişirin.
Nuş olsun!
Məlumat Saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.
