Mira Qadın Dünyası 17-08-2017, 12:57

Ətrimiz üzərimizdə uzun müddət necə qalsın?

Evdən çıxarkən istifadə etdiyimiz parfüm, gün ərzində təsirini yavaş yavaş itirməyə başlayır. Ancaq diqqət etməmiz lazım olan 6 kiçik nöqtə ilə ətirimizin qoxusunun qalıcılığını uzada bilərik.

Daha Güclü Qoxular Seçin
Əlbəttə ki, bütün ətirlər eyni yaradılmır. Məsələn, ədviyyat və bitki tərkibli qoxular, limon iyisi gələn ətirlərə nisbətən daha qalıcı olur. Bu səbəbdən seçim edərkən qalıcılığı daha çox olan qoxuları tərcih edə bilərik.

İkisi bir arada
İstifadə etdiyiniz bədən şampun və losyonlarında, yağlarda sevdiyimiz qoxular olur. Əgər hər hansı bir vasitəni parfümlə birlikdə istifadə etsəniz, bu da qoxunun bütün gün vücudunuzda qalmasına köməkçi olar.

Qoxu daha çox harada hiss edilir?
Ətri biləkləriniz kimi bədənin ən isti olan bölgələrinə sıxın. Biləklərdən başqa bədəninizin digər isti bölgələri qarın, sinə qəfəsi, diz qapağı və qulaq arxası ola bilər. Bədən istiliyi qoxunun artmasını təmin edir və beləcə ətriniz bədəninizdə tamamilə hiss ediləcək.

Dərinizi Nəmli Tutun
Duşdan sonra bədəniniz tamamilə nəmli ikən vücudunuzun tər nöqtələrinə ətir sıxmaq doğrudur. Ümumiyyətlə, quru dəridə parfümünüzün qoxusu tez itir. Nəmli dəri ətirin vücudunuzda daha uzun zaman qalmasına kömək olur. Ancaq bu vəziyyət bəzən ipək bluzlarınıza ləkə sala bilər və aksesuarların qaralmasına səbəb ola bilər.

Onları doğru yerdə saxlayın
İstiliyə məruz qalmaq və nəm, ətirin içindəki qoxu molekullarının qırılmasına səbəb olur. Bu səbəbdən ətirlərinizi evin çox isti olan və nəmə məruz qalan bölgələrində saxlamayın. Ətirlər soyuq və quru yerdə saxlanılmalıdır.

Gün boyunca təkrar – təkrar
Qoxunuzun hər daim üstünüzdə olmasına həm də kiçik boy ətirlər kömək edəcək. Bir yerə getdiyinizdə, səyahət etdikdə belə ətirləri çantanızda daşımaq da və hər dəfə təkrarən istifadə etmək daha asan olur.