Mütəxəssislərdən xəbərdarlıq: Telefonunuzda bu parollardan istifadə etməyin

Araşdırma nəticəsində istifadəçilərin ən çox üstünlük verdiyi dörd rəqəmli PİN kodların kibertəhlükəsizlik riski yaratdığı məlum olub.

29 milyon PİN kodun "Have I Been Pwned" internet saytı tərəfindən aparılan təhlili olduqca qorxulu nəticələri üzə çıxarıb.

Araşdırmaların nəticəsi göstərir ki, ən populyar dörd rəqəmli PİN kodu “1234”, ondan sonra “0000” və “1111”dir.

İnsanlar eyni nömrələri təkrarlamağa və ya asan yadda qalan birləşmələri seçməyə meyllidirlər. Bu da kodun təhlükəsizliyini sual altında qoyur.

Ən çox istifadə edilən ilk on PİN kod sırasına “1212” və “4444” kimi təkrarlanan nömrələr daxildir. "1986" və ya "2004" kimi doğum illəri kimi şəxsi məlumatları ehtiva edən PİN kodlar da olduqca geniş yayılıb.

ABŞ-dan kənar ölkələrdə məşhur olan Tarix/Ay formatında xüsusi günlər də risk daşıyır. Məsələn, "2512" (25 dekabr) kimi birləşmələrdən qaçınmaq lazımdır.

Araşdırmalar göstərir ki, 50 ən populyar PİN kodu təxmin etmək şansı 15 faizə qədər ola bilər.

Ona görə də istifadəçilərin bu cür riskli PİN kodlardan istifadə etməmələri və təhlükəsizliyini artırmaq üçün daha mürəkkəb parollara üstünlük vermələri böyük əhəmiyyət kəsb edir.