"Barselona"nın gənc ulduzu Fransa klubuna keçir

"Barselona"nın hücumçusu Ansu Fati karyerasını "Monako"da davam etdirməyə yaxındır.

Loading.Az Oxu.Az-a  istinadən xəbər verir ki, bu barədə insayder Fabritsio Romano sosial şəbəkə hesabında məlumat paylaşıb.

O bildirib ki, tərəflər 22 yaşlı ispaniyalının sonradan birdəfəlik almaq şərti ilə icarəyə verilməsi ilə bağlı razılığa gəliblər.

Qeyd edək ki, Fati cari mövsümdə bütün turnirlər nəzərə alınmaqla cəmi 11 oyun keçirib. Onun "Barselona" ilə müqaviləsi 2027-ci ilin yayına kimi nəzərdə tutulub.