"Özünə sevgi" nədir?

Elə insanlar var ki, onlar yalnız özünü sevdiyini iddia edir, başqalarının necə olduğu onu əsla maraqlandırmır.

Görəsən, özünü sevmək necə olur?

Psixoloq Könül İsmayılova deyib ki, insanların bir qismi özünü, bəziləri isə ailəsini sevir. Ailəsini sevən insan o demək deyil ki, özünü sevmir, sadəcə o şəxsin öncəliyi doğmalarıdır: 

“Özünü sevən insan başqalarına ondan sui-istifadə etməyə imkan vermir, öz sağlamlığını və rifahını üstün tutur. Özü üçün ən sağlam qərarlar qəbul edir. Həmçinin, özünü mükafatlandırmağı unutmur, vaxtaşırı kiçik də olsa özünə hədiyyələr alır, məqsədlərinin arxasınca gedir. Bu tip insanlar başqasını deyil, yalnız özünü düşünür. Onlar üçün həyatda “yalnız mən” pripsipi əsasdır, daha sonra başqaları. Bu tip insanlar adətən tək insanlar olur, onlar ya ailə sahibi olmur ya da dostu tanışı az olur”.