Alla Puqaçova Rusiyaya qayıdıb? - Rusiyalı siyasətçi onun evində olduğunu iddia edib

Rusiyalı publisist və siyasətçi Zaxar Prilepin əmindir ki, ölkəni tərk etmiş sənətçilər maneəsiz şəkildə qayıda bilərlər.

Loading.Az-ın xəbərinə görə, o bu barədə fikirlərini Aif.ru nəşrinə müsahibəsində ifadə edib.

"Puqaçova qayıtmaq istəsə, bunu hər an edə bilər. Ola bilər ki, o artıq gəlib, evdə oturub və özünü əla hiss edir", - deyə o bildirib.

Prilepin Rusiyanın Ukraynada xüsusi hərbi əməliyyatı başladıqdan sonra Latın Amerikasına gedən, lakin geri qayıdan müğənni Leonid Aqutini misal çəkib.

"Heç kim onun bu addımına mane olmadı. Biz onların bizdən necə üzr istəmələri lazım olduğunu müzakirə etdiyimiz bir zamanda, onlar bizə düşmən olan öz sistemlərini mükəmməl şəkildə qururlar", - deyə yazıçı vurğulayıb.

Qeyd edək ki, bu yaxınlarda Maksim Qalkin "Instagram" hesabında həyat yoldaşı Alla Puqaçova ilə İtaliyaya istirahətə getdiyini yazıb.