“Qalatasaray” Osimhenin transferini açıqladı

"Qalatasaray" Viktor Osimhenin transferi ilə bağlı klubu "Napoli" ilə razılıq əldə edib.

Bu barədə Türkiyə klubunun mətbuat xidməti məlumat yayıb.

"Cimbom" futbolçu üçün İtaliya klubuna 75 milyon avro xalis transfer haqqı ödəyəcək.

Bundan əlavə, müqavilə çərçivəsində futbolçunun növbəti satışından əldə edilən gəlirin 10%-i "Napoli"yə ödəniləcək.

Futbolçu ilə 2025-2026-cı il mövsümündən qüvvədə olan 4 illik müqavilə imzalanıb.

Müqaviləyə əsasən, futbolçuya hər mövsüm üçün xalis 15 milyon maaş, 1 milyon bonus və 5 milyon avro reklam haqqı ödəniləcək.