Niyə pişiyi öpmək olmaz?

Pişiyin yumşaq, tüklü və şirin üzünü görəndə onu qucaqlayıb öpmək istəyi hər kəsdə yaranır. İlk baxışda bunda problem görünməsə də, baytarlar və zooloqlar bu vərdişin sağlamlıq üçün riskli olduğunu bildirirlər.

Pişiyi üzündən, burnundan və ya alınından öpmək nəyə gətirib çıxara bilər?

Baytarların cavabı aydındır: heç yerindən öpmək olmaz. Çünki pişiklər, hətta evdən çıxmayanlar belə, təhlükəli xəstəliklərin daşıyıcısı ola bilərlər. Kiçik bir öpüş belə, sağlamlıq problemlərinə səbəb ola bilər.

Əsas risklər:

Qurd infeksiyası: parazitlər pişikdən insana asanlıqla keçir.

Göbələk xəstəlikləri: məsələn, sirkəvari dəmrov pişiyə təsir etməsə də, insanda ciddi dəri problemləri yaradır.

Bakteriyalar: pişiyin ağız və dərisində yaşayan mikroblar arasında stafilokokk kimi təhlükəli növlər var.

Salmonellyoz: pişiklər bu bakteriyanın daşıyıcısı ola bilər, insanda isə yüksək hərarət və mədə-bağırsaq pozğunluqları yaradır.

“Pişik cızığı qızdırması”: bartonella bakteriyası ilə bağlı xəstəlikdir, hərarət, səpgilər, limfa düyünlərinin iltihabı ilə müşayiət olunur.

Toksoplazmoz: xüsusilə hamilə qadınlar üçün təhlükəlidir.

Quduzluq: ən ağır nəticədir, ölümcül xəstəlikdir və xəstə heyvanın tüpürcəyi ilə keçir.

Unutmaq olmaz ki, təkcə insan pişikdən yoluxmur, pişik də insandan infeksiya ala bilər.

Xalq inancları nə deyir?

Baytarların elmi arqumentlərindən əlavə, xalq arasında da müxtəlif inanclar var. Məsələn, pişiyi öpmək olmaz, çünki guya o, iybilmə qabiliyyətini itirir.

Qızların pişik öpməsi barədə isə belə deyilir: guya onlar pişiyin “qulu” olur, enerjilərini itirir, depressiyaya düşür və ömür boyu tənha qalırlar.

Əlbəttə, bunlar sadəcə suallardır və elmi əsası yoxdur.

Pişik öpüşü anlayırmı?

Zooloqlar deyirlər ki, pişiklər insan öpüşünü başa düşmür. Onlar üçün bu hərəkət yad və bəzən qorxulu görünür. Bəzi pişiklər insan üzünü yaxınlaşan təhlükə kimi qəbul edib cırmaq ata bilər.

Pişiklər öz sevgilərini fərqli şəkildə göstərirlər: bir-birlərini yalamaqla, yaxud sahibinə gözlərini yumub-mırıldamaqla. Əgər siz pişiyə baxıb yavaşca gözlərinizi yumub-açsanız və o da cavab versə, bu, pişiyin özünəməxsus “öpüşü” hesab olunur.