Özü göz yaşını silər qadınlar

Sevginin qayğının çəkib həsrətin,

Hər dərdə əzaba dözər qadınlar.

Xəlvətə çəkilib ağlayar bəzən,

Dərdi göz yaşı ilə bölər qadınlar.

Saxlayar həyanı, təmizdi adı,

Qırılıb elə bil qolu qanadı,

Sevgisiz həyatın yoxdur ki dadı,

İçində ağlayıb gülər qadınlar.

Həyat hər addımda yaşadır qəmi,

Kədər əsir alıb o şux görkəmi,

Tapmadı o ürək həyat həmdəmi,

Özü göz yaşını silər qadınlar.

Qurduğu xəyallar yanıb kül olub,

Sanki tumurcuqda qönçə tək solub,

İlkin,məsum ürəklərə acı qəm dolub,

Həyatın yükünü çəkər qadınlar

                                        İlkin Əzizov