Evdə adam öləndə güzgünü niyə örtürlər?

Evdə kimsə vəfat etdikdə güzgülərin örtülməsi xalq arasında geniş yayılmış yas mərasimi ənənəsidir. Yaşlı nəsil nümayəndələri deyir ki, insan dünyasını dəyişəndən sonra güzgülər ən azı 40 gün bağlı qalmalıdır. Bu müddət ərzində mərhumun ruhu evlə vidalaşır və digər aləmə yola düşür.

Loading.aZ xarici mediaya istinadla xəbər verir ki, güzgülərin örtülməsi mərhumun ruhunun orada qalmaması üçün edilir.

İnanclara görə, insan öldüyü zaman güzgü digər dünyaya açılan bir “portal” rolunu oynaya bilər. Bundan başqa, mərhumun qohumlarına güzgüyə baxmaq da tövsiyə olunmur. İnanclara görə, güzgüdən baxan insanın ruhunu mərhumun ruhu özü ilə apara bilər.