100 illik İtaliya klubu fəaliyyətini dayandırdı

İtaliyanın C Seriyasında çıxış edən “Rimini” futbol klubu özünün ləğv olunması səbəbi ilə çempionatdan çəkilib.

Loading.aZ xəbər verir ki, bu barədə İtaliya Futbol Federasiyasının mətbuat xidməti məlumat yayıb.

Məlumata görə, klubun gənclər komandalarının gələcək fəaliyyəti də sual altındadır.

“Rimini” 1912-ci ildə təsis olunub. Tarixi ərzində klub iki dəfə C Seriyasının qalibi olub — 1975/1976 və 2004/2005 mövsümlərində. Klubun ən böyük uğuru 2006/2007 mövsümündə B Seriyasında tutduğu 5-ci yer olub.

Samir Handanoviç, Alessandro Matri, Serco Flokkari, Matteo Briqi və digər tanınmış futbolçular “Rimini”nin heyətində çıxış ediblər.