Sən mənim üçün qismətin ən gözəl yazdığı cümləsən

Həyatımda mənə ən çox yaxşılıq edən insan oldun, bunu hətta fərqinə varmadan etdin. Sadəcə varlığınla, bir mesajınla, bir cümlənlə günümü dəyişdirdin. Mən səndə sevgidən də çox şey gördüm — anlayış, sığınacaq, güvən… və ən əsası, özümü.

Səni sevdikcə anladım ki, sevgi yalnız gözəl anlar deyil. Sevgi birinin çətin günündə onun yanında susaraq dayanmaqdır. Onun güclü görünməyə çalışdığı halda yorulduğunu hiss edib “mən burdayam” deməkdir. Sən mənim üçün məhz belə oldun — heç nə deməsəm də məni anlayan bir ürək.

Bəzən elə olur ki, bir insan gəlir və həyatında boş qalan yerlərə adını yazır. Mənim o boşluqlarımı sən doldurdun. Mənə özümü daha dəyərli, daha güclü, daha sevilməyə layiq hiss etdirdin.

Sənin varlığın mənim üçün təsadüf deyil. Sən gecikmiş təsəlli, doğru zamanda gəlmiş xoşbəxtlik, ürəyimin sakitliyisən. Səndən əvvəl hər şey qarışıq idi… səndən sonra hər şey yerinə oturdu.

Bil ki, mən səni sevirəm — yalnız bu gün üçün yox.

Hər gün, hər çətinlikdə, hər səhvdə, hər təbəssümdə…

Səninlə bir gələcəyə inanaraq, bir yola çıxaraq, bir sevginin içində böyüyərək.

Sən mənim üçün seçim deyil…

Sən mənim üçün qismətin ən gözəl yazdığı cümləsən.