Gülüm, sən nə yaman gözəlləşmisən?!

Məhəbbət toxunub yanaqlarına, 

Gözləri qaynayan büllur çeşməsən.

Gəl, məni qərq elə gözəlliyinə,

Gülüm, sən nə yaman gözəlləşmisən?!

Gül-çiçək bürüyüb bütün çölləri, 

Yoxsa bu çöllərdən gəlib-keçmisən?

Mən sənə könlümü açandan bəri,

Gülüm, sən nə yaman gözəlləşmisən?!

Daranıb, bəzənib baxışlarınla

Elə bil baharı təkcə içmisən. 

Gözlərin yaşınır kirpiklərinlə,

Gülüm, sən nə yaman gözəlləşmisən?!

#FikrətQoca