Rusiyada Kirkorovun şirkəti bağlandı

Rusiya Federal Vergi Xidməti müğənni Filip Kirkorova məxsus şirkətlərdən birini bağlayıb.

Loading.aZ xəbər verir ki, bu barədə "RİA Novosti" hüquqi sənədlərə istinadən məlumat yayıb.

Söhbət 2019-cu ilin avqust ayında Moskva vilayətinin Krasnoqorsk şəhərində qeydiyyatdan keçmiş "Filip Kirkorov Korporeyşn"dan gedir.

Jurnalistlərin məlumatına görə, sentyabr ayında bu hüquqi şəxs haqqında məlumat Hüquqi Şəxslərin Vahid Dövlət Reyestrindən çıxarılıb.

Sənədlərdə həmçinin şirkətin bank hesablarının dondurulduğu göstərilir. Qərar şirkətin vergi bəyannaməsini vaxtında təqdim etməməsi ilə izah edilib.