Smartfonlarda batareyanı boşaldan ən populyar 5 TƏTBİQ

Bugünkü smartfonlar cihaz baxımından daha güclü olsa da, batareya ömrü istifadəçilər üçün ən böyük problemlərdən biri olaraq qalır.

Böyük Britaniyada yerləşən “Elevate” telekommunikasiya şirkəti tərəfindən aparılan yeni bir araşdırma, cihaz batareyalarını ən çox boşaldan tətbiqləri açıqlayıb.

“NETFLIX”

Tədqiqatın nəticələrinə görə, “Netflix” bir ay ərzində tam doldurulmuş batareyanın 1500%-ni istehlak edərək batareya boşaldan tətbiqlər siyahısına başçılıq edir.

İstifadəçilərin ayda orta hesabla 60 saat məzmun istehlak etdiyi platforma, təxminən 13 saat arxa planda da işləyir və batareyanın ömrünü əhəmiyyətli dərəcədə azaldır.

TIKTOK

Dünyada 1,5 milyarddan çox istifadəçisi olan TikTok, ayda tam doldurulmuş batareyanın 825%-ni istehlak edərək ikinci yeri tutub.

Tətbiq bağlandıqda belə dayanmayan və ayda təxminən 10 saat davam edən fon prosesləri batareyanın sürətlə tükənməsinə səbəb olur.

“YOUTUBE”

Video paylaşma platforması “YouTube” siyahıda üçüncü yerdədir və izlənilən saatda batareyanın təxminən 20 %-ni istehlak edir.

Aylıq batareya tükənməsi 540 faiz olan tətbiq arxa planda altı-yeddi saat aktiv qalır.

“THREADS”

Metanın bir digər sosial media platforması “Threads” də aylıq batareyanın 460 %-ni istehlak edərək ən çox enerji sərf edən dördüncü tətbiqdir.

Məlum olub ki, fon prosesləri tətbiq bağlandıqda belə tamamilə dayanmır və ayda orta hesabla 6,9 saat işləyir.

“SNAPCHAT”

Vizual mesajlaşma tətbiqi olan “Snapchat” aylıq 320 faiz batareya tükənməsi ilə siyahıda beşinci yerdədir.