Nə çoxdur istəyim bu dünyadan. Nə çoxdur üsyanım bu Dünyaya! Nə çoxdur pislikləri saydığım anlar, nə çoxdur sevinclərə həsrət günlərim!

Nə çoxdur yoxlarla qəlbimi doldurduğum. Nə çoxdur sənsizlik, nə çoxdur ayrılıqlar. Nə çoxdur yanağımdan axan, ürəyimi yandıran göz yaşlarım. Nə çoxdur yandıqlarım, nə çoxdur bağışladıqlarım. Nə çoxdur bağışlaya bilmədiklərim. Nə çoxdur dünyanı dolduran hisslərin bir anda qeyb olması. Nə çoxdur boşluqlarla olan savaşım. Nə çoxdur özümə söylədiyim yalanlara inanmaq cəhdlərim. Nə çoxdur aldanmaq istəklərim. Nə çoxdur yalandan xoşbəxt olmaqlarım, yalançı gülüşlərim. Nə çoxdur təsəllilərim. Nə çoxdur bütün çirkin şeyləri gözəlləşdirmə istəyim. Nə çoxdur var olanların arasından həqiqətləri tapmağım. Nə çoxdur həqiqətlərin arasından sevinci tapmağım...