Eyni müstəvidə paralel xəttlər

Yüksəltdim mən eşqi sonsuz mislinə, 

Nədənsə sən elə yerində durdun. 

Bir-bir topladığım ümidlərimi 

Elə getdiyin gün sıfıra vurdun...

Bölündük,bölündük bəlkə min yerə, 

Bölünən mən idim, bölən sən idin. 

Qismətdə can çəkən o qalıqları, 

Harda basdırmısan görəsən indi?

Soldan da, sağdan da ümidi kəsdim 

Bərabər olmadı eh, kənar hədlər. 

Biz indi səninlə sonsuza qədər, 

Eyni müstəvidə paralel xəttlər

 _Səbinə Xosiyeva_