"Real" onun üçün 100 milyon avro TƏKLİF EDƏCƏK

İspaniya nəhəngi "Real Madrid" Fransa millisinin gənc futbolçusu Dezire Dueni heyətinə qatmağı planlaşdırır.

Loading.aZ xarici mətbuata istinadən xəbər verir ki, iddialara görə, Madrid klubu 20 yaşlı vinger üçün 100 milyon avro ödəməyə hazırdır.

Məlumata əsasən, "Kral klubu" transferi yay pəncərəsində reallaşdırmaq niyyətindədir. Hazırda PSJ formasını geyinən futbolçunun baş məşqçi Luis Enrike ilə münasibətlərində müəyyən problemlərin olduğu bildirilir. Madrid təmsilçisi isə bu vəziyyətdən yararlanmağa çalışır.

2024-cü ildən Paris klubunda çıxış edən Dezire Due cari mövsüm göstərdiyi performansla diqqət çəkib. O, bütün turnirlərdə 23 matça çıxaraq 8 qol vurub və 5 məhsuldar ötürmə ilə yadda qalıb.

Transferin baş tutub-tutmayacağı isə yay transfer dönəmində bəlli olacaq.