Məşhurlardan şok ayrılıq qərarı

Magazin dünyasında nümunə cütlüklərdən sayılan Evrim Alasya və Kerem Alışıkdan pərəstişkarlarını məyus edən xəbər gəlib.

Loading.aZ xarici mediaya istinadən xəbər verir ki, təxminən 1,5 il davam edən və böyük maraqla izlənilən münasibətləri gözlənilmədən bitib. Cütlük münasibətlərini adətən kənardan uzaq tutsa da, son dövrlərdə aralarındakı fikir ayrılıqları həll olunmayıb və tərəflər yollarını ayırmağa qərar veriblər.

Cütlüyün yalnız şəxsi münasibətləri deyil, peşəkar əməkdaşlıqları da bu ayrılıqdan zərər çəkib. Birlikdə baş rolu paylaşıb tamaşalarda oynadıqları “Aşk Biter mi"? adlı səhnə oyununun taleyi ayrılıq xəbəri çıxandan sonra aydınlaşıb.

Bu tamaşanın əvvəlcə biletləri sürətlə satılırdı, lakin yeni nümayiş tarixlərinin ləğv olunduğu deyilir. Uzun müddət səhnədə müvəffəqiyyətlə birlikdə çıxış edən cütlüyün yaşadıqları gərginlik səbəbindən artıq eyni layihədə qalmamaq istədikləri müzakirə edilir.

Məlumata görə, məşhurlar təxminən 15 gün əvvəl ayrılmağa qərar veriblər. Daha əvvəl də aralarında küsüb barışmaq xəbərləri yayılmışdı, lakin bu dəfə qərarlarındakı qətiyyət dəyişməyib.