"Qanlı ay" martın 3-ü olacaq - Haradan izləmək olar?

3 mart 2026-cı ildə Yer kürəsinin gecə tərəfində olan bölgələrdə tam ay tutulması baş verəcək. Bu zaman ay tamamilə Yer kölgəsinə daxil olacaq və qırmızımtıl rəng alacaq. Məhz bu səbəbdən hadisə “Qanlı Ay” adlandırılır. Ən əlverişli müşahidə şəraiti Avstraliya, Sakit okean hövzəsi və Şimali Amerikanın qərb hissəsində formalaşacaq.

 

Loading.aZ xarici mediaya istinadla xəbər verir ki, tutulma qlobal hadisədir, lakin müxtəlif regionlarda fərqli yerli saatlarda müşahidə olunacaq.

 

Sakit okeanda gecə yarısına yaxın, Avstraliyada 3 mart axşam saatlarında, ABŞ-ın qərb ştatlarında isə 3 mart səhər tezdən.

 

Ay tutulmasını izləmək üçün xüsusi avadanlıq tələb olunmur, onu adi gözlə də görmək mümkündür. Bununla belə, səma nə qədər qaranlıq olsa, tam faza zamanı effekt bir o qədər təsirli görünür. Bu mərhələdə səma kifayət qədər qaralır və Süd Yolu, zəif ulduz topaları, hətta uzaq qalaktikalar seçilə bilir.

 

Aşağıda mart ayında açıq hava ehtimalı yüksək olan 10 məkan təqdim olunur.

 

1. Grand Canyon

 

2015-ci ildən Beynəlxalq Qaranlıq Səma Parkı statusuna malikdir. South Rim ərazisində Mather Point, Hermit’s Rest və Rim Trail boyunca baxış nöqtələri ideal sayılır. Mart ayında hava adətən quru və az buludlu olur.

 

2. Horsetooth Mountain Open Space

 

Açıq ərazi və minimal işıq çirklənməsi ilə seçilir. Yerli astronomiya cəmiyyətləri burada tez-tez müşahidə tədbirləri təşkil edir.

 

3. Arkaroola Wilderness Sanctuary

 

Avstraliyanın ən uzaq və ən qaranlıq bölgələrindən biridir. Gecə müşahidələri və astronomik turlar üçün ideal məkandır.

 

4. Warrumbungle Dark Sky Park

 

Avstraliyanın yeganə rəsmi Qaranlıq Səma parkıdır və ölkənin “astronomiya paytaxtı” kimi tanınır. Mart ayı burada tez-tez açıq səma ilə müşahidə olunur.

 

5. Saguaro National Park

 

Sonora səhrasının kaktus mənzərəsi ilə məşhurdur. Park gecə-gündüz açıqdır və qaranlıq səması ilə seçilir.

 

6. Wairarapa Dark Sky Reserve

 

Yeni Zelandiyanın Şimal adasında yerləşir. İşıqlandırma ciddi şəkildə tənzimlənir və tutulma gecə yarısından sonra müşahidə olunacaq.

 

7. Anza-Borrego Desert State Park

 

Kaliforniyanın ən böyük ştat parkıdır və 2018-ci ildən Qaranlıq Səma parkı statusu daşıyır. Mart ayı adətən quru və aydın keçir.

 

8. Mauna Kea (Böyük ada)

 

Tutulma demək olar ki, baş üzərində görünəcək. Maksimum qaranlıq üçün Mauna Kea zirvəsi və adanın cənub və ya şimal-şərq sahilləri tövsiyə olunur.

 

9. Joshua Tree National Park

 

Kaliforniyada ulduz müşahidəsi üçün ən məşhur məkanlardan biridir. Düşərgə yerlərini əvvəlcədən bron etmək məsləhətdir.

 

10. Death Valley National Park

 

ABŞ-ın ən qaranlıq ərazilərindən biri hesab olunur. Zabriskie Point və Mesquite Flat qum təpələri fotoqraflar üçün ideal nöqtələrdir.

 

Müşahidə üçün məsləhətlər

 

Hadisədən 3–4 gün əvvəl hava proqnozunu yoxlayın. İşıq çirklənməsi xəritələrindən istifadə edin. Teleskop şərt deyil, lakin binokl əlavə detalları göstərir.

 

Növbəti tam Ay tutulması Yer kürəsinin haradasa bir hissəsindən yalnız 2028-ci ilin sonu 2029-cu ilin əvvəllərində müşahidə olunacaq.