İlqar Fəhmi - Şeir kimi

Mənim şeirlərim soyuq,

Bir az da yorğun olsa da,

Sənin bulaq kimi səsin,

Sənin sözun şeir kimi.

Mənim şeirlərim ağır,

Bir az da zülmət olsa da,

Sənin şəlalə saçların,

Sənin üzün şeir kimi...

Mənim şeirlərim sönük,

Bir az dumanlı olsa da,

Sənin zərif baxışların,

Sənin gözun şeir kimi...

Mənim şeirlərim bir az

Həyata küskün olsa da,

Sənin həyatda varlığın,

Sənin... özün şeir kimi...