“Sportinq”dən möhtəşəm geridönüş, “Arsenal” və “Real” 1/4 finalda

Bu gün UEFA Çempionlar Liqasının 1/8 final mərhələsinin cavab oyunlarına start verilib.

Loading.aZ xəbər verir ki, ilk oyun günündə dörd qarşılaşma keçirilib.

Günün açılış matçında “Sportinq” öz meydanında “Budyo Qlimt”i qəbul edib. İlk oyunu 0:3 hesabı ilə uduzan Portuqaliya təmsilçisi azarkeşləri önündə eyni hesabla qalib gəlib. Əlavə vaxtda daha 2 qol vuran “Sportinq” möhtəşəm geridönüş edərək növbəti mərhələyə yüksəlib.

“Real Madrid” isə səfərdə “Mançester Siti” ilə üz-üzə gəlib. Gərgin keçən oyunda qalib "kral klubu" olub – 2:1. Bu nəticə ilə ümumi hesabda 5:1 hesablı üstünlük qazanan İspaniya təmsilçisi 1/4 final mərhələsinə adlayıb.

UEFA Çempionlar Liqası

1/8 final, cavab oyunları

17 mart

21:45. "Sportinq" (Portuqaliya) - "Budyo Qlimt" (Norveç) 5:0

İlk oyun - 0:3

00:00. "Arsenal" (İngiltərə) - "Bayer" (Almaniya) 2:0

İlk oyun - 1:1

00:00. "Çelsi" (İngiltərə) - PSJ (Fransa) 0:3

İlk oyun - 2:5

00:00. "Mançester Siti" (İngiltərə) - "Real" (İspaniya) 1:2

İlk oyun - 0:3