Dünyanın ən xoşbəxt ölkəsi: o, doqquz ildir liderdir

Finlandiya ardıcıl olaraq doqquzuncu ildir ki, dünyanın ən xoşbəxt ölkəsi seçilib.

Loading.az xarici mediaya istinadən xəbər verir ki, bu hesabatı Oksford Universitetinin Rifah araşdırmaları mərkəzi hazırlayıb.

Reytinqin ilk onluğuna həmçinin İslandiya, Danimarka, İsveç və Norveç də daxil olub ki, bu da Skandinaviya ölkələrinin üstünlüyünü bir daha təsdiqləyir.

Tədqiqat müəllifləri bu ölkələrin yüksək mövqelərini həyat səviyyəsi, güclü sosial dəstək sistemi və cəmiyyətdəki sabit əlaqələrlə izah edirlər. Hesabatda eyni zamanda bəzi Qərb ölkələrində gənclər arasında narahatedici bir tendensiya da qeyd olunur.

Son on ildə ABŞ, Kanada, Avstraliya və Yeni Zelandiyada 25 yaşdan aşağı insanların həyat məmnuniyyəti səviyyəsi əhəmiyyətli dərəcədə azalıb.

Mütəxəssislər bunun səbəblərindən biri kimi sosial şəbəkələrdən aktiv istifadəni göstərirlər. Bu xüsusilə sosial şəbəkələrdə çox vaxt keçirən yeniyetmə qızlara daha çox təsir edir.

Gündə 5 saatdan çox sosial şəbəkələrdən istifadə edən gənc qızlar daha çox hallarda rifah səviyyəsinin aşağı düşdüyünü bildirirlər. Ən yaxşı göstəricilər isə sosial şəbəkələrdən gündə 1 saatdan az istifadə edənlərdə müşahidə olunur.

Ən xoşbəxt ölkələrin ilk onluğuna həmçinin Niderland, Kosta-Rika və Yeni Zelandiya da daxil edilib. Siyahını İsveçrə və Lüksemburq tamamlayır.

Araşdırma göstərir ki, insanların xoşbəxtlik hissi üçün sosial əlaqələr və qarşılıqlı dəstək böyük əhəmiyyət daşıyır.