Soyuqdəymə zamanı bu qidalardan uzaq durun

Soyuqdəymə zamanı düzgün qidalanma sağalma prosesinə ciddi təsir göstərir. Loading.az xəbər verir ki, həkim Regina Vukolova bu dövrdə bəzi qidaların rasiondan çıxarılmasının vacibliyini vurğulayıb.

Mütəxəssis bildirir ki, qoz-fındıq kimi sərt qidalar boğazın artıq iltihablaşmış selikli qişasını zədələyə bilər və narahatlığı artırar. Eyni səbəbdən çox isti və acılı yeməklər də tövsiyə olunmur, çünki onlar boğazı qıcıqlandıraraq iltihabı gücləndirir.

Bundan əlavə, yağlı yeməklər orqanizmə əlavə yük yaradır və sağalma prosesini ləngidə bilər. Soyuq içkilər də zərərli hesab olunur, çünki boğazın daha da həssaslaşmasına səbəb olur. Həkim məsləhət görür ki, xəstəlik zamanı qidalar ilıq şəkildə qəbul edilsin və gün ərzində tez-tez ilıq su içilərək boğaz daim nəmləndirilsin. Bu yanaşma daha sürətli sağalmağa kömək edir.