Azərbaycanda ən populyar axtarış sistemləri məlum oldu

Bu ilin mart ayında "Google" Azərbaycanda ən populyar axtarış sistemi kimi öz mövqeyini qoruyub saxlayıb. Belə ki, onun bazardakı payı 89,85 faiz təşkil edib.

Loading.aZ Trend-ə istinadən xəbər verir ki, "Google"un bazar payı fevral ayı ilə müqayisədə 0,15 faiz azalıb.

"Yandex" axtarış sisteminin bazar payı isə hesabat dövründə 0,04 faiz bəndi azalıb və 1,3 faiz təşkil edib.

Mart ayında "Bing" axtarış sisteminin bazar payı 0,15 faiz bəndi artaraq 5,13 faizə çatıb, digər yandan "Yahoo" 0,09 faiz bəndi artım nümayiş etdirib və bazar payı 1,48 faiz təşkil edib.