Planetin əhalisi pik həddə çatacaq, böhran olacaq - Bu TARİXDƏ

Yer kürəsinin əhalisi yaxın 50 il ərzində kəskin şəkildə arta bilər. Alimlər narahatdırlar ki, bəşəriyyət artıq indidən planetin “gücü çatandan” daha çox resurs istehlak edir.

Loading.az-ın xarici mediaya istinadla xəbərinə görə, tədqiqat müəllifləri xəbərdarlıq edirlər ki, təcili tədbirlər görülməzsə, ciddi qlobal böhran yarana bilər.

“WION” tərəfindən yayımlanan araşdırmaya əsasən, bu əsrin 2070-ci illərinin sonuna qədər dünya əhalisi 12,4 milyarda çata bilər. Bu isə Yer resursları üzərində böyük təzyiq yaradacaq.

Hesablamalar göstərib ki, əgər bütün insanlar “ekoloji məhdudiyyətlər çərçivəsində və komfortlu, iqtisadi cəhətdən təmin olunmuş həyat səviyyəsində” yaşasaydılar, dünya əhalisi əlavə olaraq 2,5 milyard nəfər arta bilərdi. Tədqiqatın məqsədi artan əhalinin ərzaq təhlükəsizliyinə, iqlim sabitliyinə və insanların rifahına təsirini anlamaq olub.

Alimlər iki əsrdən artıq müddəti əhatə edən qlobal demoqrafik məlumatları təhlil edərək, əhalinin sayındakı dəyişiklikləri və artım tendensiyalarını izləmək üçün ekoloji inkişaf modellərindən istifadə ediblər.

Nəticələr isə olduqca narahatedici olub. Araşdırmaya görə, Yer artıq “aydın bioloji siqnal” verir. Bu da planetə həddindən artıq təzyiq göstərildiyini və insanların onun təqdim edə biləcəyindən daha çox resurs istifadə etdiyini göstərir.