Albalının xərçənglə mübarizədə rolu

Texas Universitetinin alimləri müəyyən ediblər ki, tünd şirin albalılarda olan antosiyaninlər üçqat mənfi süd vəzi xərçənginin böyüməsini yavaşlada və metastaz riskini azalda bilər, xüsusilə ağciyərlərə yayılma zamanı.

Loading.aZın xarici mətbuata istinadən məlumatına görə, aparılan təcrübələr zamanı məlum olub ki, antosiyaninlər kimyaterapiya ilə birlikdə istifadə edildikdə, şişin böyüməsini əngəlləyən təsir daha tez ortaya çıxır.

Hazırda alimlər bu piqmentlərin təsirini sınaqlarda öyrənməyə davam edirlər. Lakin artıq məlumdur ki, antosiyaninlər aqressiv süd vəzi xərçəngi üçün terapiyanın faydalı əlavəsi ola bilər.