Qadınların xoşbəxtliyinin sirri bu imiş

"Harvard University" tərəfindən aparılan uzunmüddətli araşdırma münasibətlərdə ev işlərinin bölüşdürülməsinin tərəfdaş məmnuniyyətinə ciddi təsir etdiyini ortaya qoyub.

Loading.aZ xəbər verir ki, araşdırmaya əsasən, yemək bişirmə məsuliyyətini təkbaşına daşımayan qadınların münasibət məmnuniyyəti 10 üzərindən 8.4-ə qədər yüksəlir. Bütün yükü öz üzərinə götürən qadınlarda isə bu göstərici 6.1 səviyyəsində qalır.

Mütəxəssislər bildirir ki, əsas məsələ təkcə yemək bişirmək deyil, ümumilikdə ev işlərində balansın qorunmasıdır. Onların sözlərinə görə, tərəflərdən birinin daim “xidmət edən” rolunda olması münasibətdə bərabərlik və dəyər hissini zəiflədir.

Tədqiqat həmçinin göstərib ki, ev işlərinin ədalətli bölüşdürüldüyü münasibətlərdə kişilər də daha yüksək məmnuniyyət ifadə edirlər. Məsuliyyətlər balanslı şəkildə paylaşıldıqda, hər iki tərəf özünü daha bağlı və razı hiss edir.