Gecə birin yarısıdı, Nə dünəndi, nə sabah. Iki günün arasında Canım sıxılır, Allah. Ulduzlardan yuxarısan, Qorxuram yıxılasan. Sən də bir az yuxulusan, Mən də yuxulu, Allah. Düşüb ev-ev, küçə-küçə, Dünyanı gəzir əcəl. Bütün ölənlər bu gecə Səndən çıxılır, Allah. Doğulan sənə vurulur, Sən verən dinə vurulur, Bir olan minə vurulur, Bəndən çoxalır, Allah. ... Nə qədər ki, göy üzü var, Göydə hamının gözü var, Sən də bax, bəlkə nəsə var, Səndən yuxarı, Allah?!
