İnsan kimi davranan heyvanlar

Təbiət insanları heyrətləndirəcək qədər zəngindir. Bu fikri tərəddüd etmədən heyvanlar aləminə də şamil edə bilərik.

Loading.aZ xəbər verir ki, alimlərin apardıqları müşahidələrə görə, bəzi heyvanlar yalnız instinkt ilə deyil, eyni zamanda şüurlu davranışlarla diqqət çəkirlər. Onlar emosiyalarını ifadə edir, münasibət qurur və bəzən insanlara xas xüsusiyyətlər nümayiş etdirirlər.

Məsələn, meymunlar qida əldə etmək üçün alətlərdən istifadə edir və problemlərə yaradıcı həll yolları tapırlar. Delfinlər yüksək intellektləri ilə seçilir, insanlarla ünsiyyət qurur və bir-birilərinə kömək edirlər. Qarğalar isə plan qurmaq, yadda saxlamaq və mürəkkəb tapşırıqları həll etmək qabiliyyəti ilə alimləri heyrətləndirir. İtlər də insanlara ən yaxın heyvanlardan biri sayılır - onlar sahibinin emosiyalarını hiss edir, sədaqət göstərir və bəzən onu qorumaq üçün həyatını riskə atır.

Fillər isə emosional davranışları ilə seçilir. Onlar sürü üzvlərini itirdikdə uzun müddət həmin ərazidən ayrılmır, sanki yas saxlayırlar. Bu kimi faktlar sübut edir ki, heyvanlar düşündüyümüzdən daha ağıllı və hissiyyatlıdır və insanlarla aralarındakı fərq bəzən o qədər də böyük olmur.