Sizi öz sehirinə salacaq 5 serial

Yeni seriallarda hər addımın sonuncu ola biləcəyi, adi həyatın isə sürətlə sağ qalma oyununa çevrildiyi hekayələri tapacaqsınız.

Loading.az sizə həyəcan verəcək 5 serialı təqdim edir.

Unmasked

Keçmiş casuslar Berlində gizli bir mənzili idarə edirlər, ta ki keçmişdən gələn təhlükə yenidən özünü büruzə verənə qədər. Onların ən böyük problemi təqiblər olur, buna görə də bir tərəfdən qatillərdən, agentlərdən, keçmiş sevgililərdən və köhnə düşmənlərdən qaçır, digər tərəfdən isə nikahlarını xilas etməyə çalışırlar.

The Steal / Heist

İncəliklə planlaşdırılmış soyğunçuluq əməliyyatı, detalların mükəmməl planı pozmağa başlaması ilə sürətlə nəzarətdən çıxır. İştirakçılar gözlənilməz hallarla üzləşirlər, aralarındakı etibar isə riskin təzyiqi altında sarsılır. Süjetin mərkəzində cinayətə cəlb olunmuş adi bir ofis işçisi dayanır.

Lead Children

Gənc pediatr metallurgiya zavodunun yaxınlığında yaşayan uşaqların qurğuşun zəhərlənməsindən əziyyət çəkdiyini aşkar edir və onları xilas etmək üçün hər şeyi riskə atır. Serial 1970-ci illərdə Polşada baş vermiş real hadisələrə əsaslanır.

Scarpetta

Baş qəhrəman Key Skarpetta məhkəmə-tibbi ekspert kimi çalışır və başqalarının diqqət yetirmədiyi detalları təhlil edərək mürəkkəb cinayət işlərini araşdırır. O, seriyalı cinayətlər, müəmmalı ölümlər və həqiqətin ən kiçik nüanslarda gizləndiyi dolaşıq sübutlarla qarşılaşır.

A Knight of the Seven Kingdoms

Ser Dunkan (Hündür Dunkan) günlərin birində turnirdə iştirak etmək qərarına gələn gəzərgi, özbaşına cəngavərdir. Dunkan kiçik bir oğlanla tanış olur və onu özünə silahdaş (mühafizəçi) götürür. O, bu uşağın əslində kim olduğundan tamamilə xəbərsizdir.