Dişləri nə vaxt fırçalamaq məsləhət görülmür?

"Şirin qidalar qəbul etdikdən dərhal sonra dişlərin fırçalanması qətiyyən məsləhət görülmür".

Loading.aZ "Deia" nəşrinə istinadən xəbər verir ki, bu barədə stomatoloq Andres Ramires xəbərdarlıq edib.

Mütəxəssisin sözlərinə görə, ağız boşluğunda şəkər sürətlə turşuya çevrilir və məhz həmin ərəfədə dişlərin fırçalanması diş minasının aşınmasına səbəb ola bilər.

Həkim dişləri təmizləməzdən əvvəl ən azı 30 dəqiqə gözləməyin zəruri olduğunu bildirir. Bununla yanaşı, şirniyyat məhsullarını fasilələrlə deyil, bir dəfəyə qəbul etmək daha düzgün hesab olunur. Belə yanaşma turşuların diş səthinə təsir müddətini azaldır və onların sağlamlığını qoruyur.