Körpücük sümüyündə öpüşümü buraxdım?

Sən məni aldadarsan,
unutmağın alınmaz.
Səni nə sevdam, nə də
könlün rahat buraxmaz,
Ey könül, ruh adamı,
klassik filmdi bu
“Sevənlərin ağrısı”..

Mən əvvəlcə bir dərin,
şipşirin yanğı ollam.
Müasir cərrahiyyə,
genetik ağrı ollam.
Qəlpə-qəlpə olarsan
“Ah-ah”, “of- of”, “hissbəhiss”
Dönüb bərpa olarsan
sonra da sarğı ollam.
Qanamasız-filansız
düyünlərin ağrısı..

Bu gecə səhərəcən
Dodağına doymadan
gülüşümü buraxdım.
Bəs niyə milyon dəfə
körpücük sümüyündə
öpüşümü buraxdım?..
Çiyinlərin ağrısın..

Sevinc Yunuslu