Rusiya rəsmisindən Almaniyaya qalmaqallı açıqlama

Ukraynada xüsusi hərbi əməliyyatın (XHƏ) başlanması Almaniyada Rusiya əleyhinə ritorikanın daha da sərtləşməsi üçün əlverişli zəminə çevrilib.         Sun.Az                   

xəbər verir ki, bu fikirləri Rusiya Təhlükəsizlik Şurası sədrinin müavini Dmitri Medvedev RT üçün qələmə aldığı məqalədə səsləndirib.                      

Siyasətçi bildirib ki, Berlinin, eləcə də bütün Avropa Birliyinin Ukrayna adı altında Moskvaya qarşı "müdaxilə" siyasəti yürütməsi və Rusiyanı "əbədi düşmən" kimi təqdim etməsi üçün nə əsas, nə də obyektiv səbəb var.

Medvedevin sözlərinə görə, Almaniyada formalaşan Rusiya əleyhinə əhval-ruhiyyənin əsas səbəbi İkinci Dünya Müharibəsindəki məğlubiyyətin revanşını almaq istəyidir. O vurğulayıb ki, "Əcdadları İkinci Dünya Müharibəsi dövründə Şərq cəbhəsində amansız döyüşlər aparan ən radikal rusofoblar bu gün ruslara müharibədə məğlub olmağın necə bir hiss olduğunu göstərmək istəyirlər".