İsrail Qəzzada HƏMAS terror təşkilatının yüksək rütbəli hərbi liderlərinin əksəriyyətinə qarşı hava hücumu həyata keçirib

Baş nazir Benyamin Netanyahu və müdafiə naziri İsrael Katzın birgə bəyanatına görə, ABŞ-ın vasitəçiliyi ilə Qəzzada kövrək atəşkəsə baxmayaraq, İsrail HƏMAS terror təşkilatının ən yüksək rütbəli hərbi lideri İzzəddin əl-Həddadı hədəf alan Qəzza şəhərinə hücumlar həyata keçirib.             Sun.Az                         

CNN-ə istinadən xəbər verir ki, Qəzzadakı təcili yardım xidmətlərinin məlumatına görə, İsrailin hücumları nəticəsində ən azı yeddi nəfər həlak olub, 50-dən çox insan yaralanıb və Əl-Şifa Xəstəxanasına yerləşdirilib. Əl-Həddadın ölənlərdən biri olub-olmadığı hələlik məlum deyil. İsrail əl-Həddadi 7 oktyabr 2023-cü ildə HƏMAS terror təşkilatının rəhbərlik etdiyi hücumun arxasındakı "memarlardan" biri və məsuliyyət daşımaqda, həmçinin hücumdan sonra girovları saxlamaqda günahlandırdı. İsrail həmçinin əl-Həddadi "ABŞ Prezidenti Donald Trampın rəhbərlik etdiyi HƏMAS terror təşkilatının silahsızlaşdırılması və Qəzza zolağının demilitarizasiyası ilə bağlı razılaşmanı həyata keçirməkdən imtina etməkdə" günahlandırdı.          

Qəzzadakı təcili yardım xidmətləri bildirib ki, İsrail cümə günü günortadan sonra Qəzza şəhəri yaxınlığındakı əl-Rimal məhəlləsindəki yaşayış binasına zərbə endirib, daha sonra isə yaxınlıqdakı küçədəki bir avtomobili hədəfə alıb. Qəzza şəhərinin Əl-Şifa Xəstəxanasının direktoru Məhəmməd Əbu Səlmiya CNN-ə bildirib ki, ərazinin morqu kimi də xidmət edən tibb kompleksinə indiyə qədər zərbələr nəticəsində ölən yeddi nəfər arasında üç qadın və bir uşağın cəsədi daxil olub.

Müəllif: İlkin Məmmədkərimov