Berlində Fələstinə dəstək aksiyası - 15 nəfər saxlanıldı

1948-1949-cu illər Birinci Ərəb-İsrail müharibəsində ərəblərin məğlubiyyətinin 78-ci ildönümü münasibətilə Berlində keçirilən aksiya zamanı azı 15 nəfər saxlanılıb.

Sun.az xəbər verir ki, bu barədə Berlin polisi məlumat yayıb.

"Hazırda mövcud olan məlumata görə, yürüş iştirakçıları tərəfindən törədilən cinayətlərlə əlaqədar 15 nəfərn həbs edilib. Əməliyyat tədbirləri zamanı əməkdaşlarımızdan biri xəsarət alıb, lakin o, xidmətdə qalıb" - Polisin məlumatında qeyd olunur.

Qeyd edək ki, şənbə günü Berlində "Fələstinin işğalına son - 78 il Əl-Nəkbə" adlı kütləvi aksiya keçirilib. Hüquq-mühafizə orqanlarının məlumatına görə, tədbirdə təxminən 2000 nəfər iştirak edib.

Əl-Nəkbə günü hər il 15 mayda qeyd olunur.