Avropa Rusiyayla danışacaq şəxsi tapa bilmir

Avropa ölkələri Rusiya ilə danışıqlar aparacaq potensial nümayəndə namizədlərini müzakirə etməyə davam edir. Lakin əsas problem Avropa Birliyi (AB) üzv ölkələrinin vahid namizəd üzərində razılığa gələ bilməməsidir.               Sun.Az              

xəbər verir ki, bu barədə "Politico" nəşri məlumat yayıb.               

Müzakirə olunan şəxslər arasında Almaniyanın sabiq kansleri Angela Merkel, Finlandiya prezidenti Alexander Stubb və İtaliyanın keçmiş baş naziri Mario Draghi yer alır.

Bildirilir ki, Angela Merkelin Rusiya prezidenti Vladimir Putin və Ukrayna lideri Volodymyr Zelenskyy ilə birbaşa əlaqə təcrübəsi var. Lakin bəzi Avropa siyasətçiləri onun əvvəlki vasitəçilik cəhdlərini uğursuz hesab edir.