Paşinyan: "AİB-dən çıxmaq qərarını yalnız Ermənistan verə bilər"

Ermənistanın Avrasiya İqtisadi Birliyindəki (AİB) statusu ilə bağlı qərarı yalnız Ermənistan özü müzakirə edə bilər.                       Sun.Az         

xəbər verir ki, bunu Nikol Paşinyan Armenpress agentliyinə açıqlamasında deyib.                        

"Ermənistanın AİB-dəki statusuna gəlincə, birlik qaydalarına əsasən bu məsələni yalnız Ermənistan özü müzakirə edə bilər. Yəni təşkilatdan çıxmaq qərarı yalnız üzv dövlətin özünə məxsusdur. Bununla bağlı başqa prosedur mövcud deyil", - deyə Paşinyan bildirib.

Baş nazir eyni zamanda vurğulayıb ki, Ermənistanın təşkilata üzvlüyü ilə bağlı yaranan suallar AİB-in digər üzv ölkələri ilə müzakirə oluna bilər.

O əlavə edib ki, Yerevan bütün mövcud sualları cavablandırmağa hazırdır.