Keçsə də 30-il mənim olarsan

Sənsizlik bağlayıb yara bağrımda,

Gəl yenə saçını dara bağrımda. 

Qarabağ olmusan qara bağrımda, 

Keçsə də otuz il, mənim olarsan.

Həsrəti özümə qoşub gələrəm,

Çaylara qovuşub, daşıb gələrəm. 

Dağları birbəbir aşıb gələrəm, 

Bir gecə sən qəfil mənim olarsan.

Etmərəm əhdimə nəzir-niyazı,

Eşqimdən xəbərdar, Tanrı da razı. 

Ya şəhid olaram, ya da ki qazi, 

Sən də bir qərənfil, mənim olarsan.

                      Müəllif: Xəzər Bəy Hikmətoğlu